Bordi i Transparencës ka vendosur çmime të reja ppër hidrokarburet në vend, nisur nga rënia e çmimit të naftës në bursën ndërkombëtare. Kësisoj referuar kësaj rënie, nafta do të shitet me 261 lekë për litër, kurse një litër benzinë me 249 lekë. Për naftën, ky është një çmim vetëm 4 lekë/ litër më i ulët krahasuar me ditën e djeshme, kurse për benzinën vetëm 5 lekë/litër. Ndërkohë çmimi i shitjes me pakicë i gazit, do të jetë 86 lekë/litri. Një ditë më parë, çmimi i naftës ra deri në 113 USD për fuçi, por bordi u mjaftua me një ulje me vetëm 4-5 lekë për litër.