Gjykata Kundër Korrupsionit dhe Krimit të Organizuar ka dënuar me burgim të përjetëshëm Orges Bilbilin dhe Anterio Kaloshin për vrasjen e Zamir Latifit dhe Jurgen Hoxhës në vitin 2017 në qytetin e Lushnjes. Si dhe ka rrëzuar kërkesën për atentat ndaj Xhulio Shkurtit, I cili njihet ndryshe si nipi I Aldo Bares, ish kreu i bandës së Lushnejs, me argumentin se akuzat ishin të pabazuara në prova konkrete. Bilbili dhe Kaloshi akuzohen për vrasjen e Latifit dhe Hoxhës si dhe për plagosjen e Marjus Xhepexhiut e Bujar Turkut. Kjo ngjarje e cila është regjistruar në 11 tetor të vitit 2017, njihet ndryshe edhe si masakra e Lushnjes. Dy autorët e masakrës, ngritën atentat për të vrarë nipin e Aldo Bares, por ky i fundit i shpëtoi atentatit duke u larguar nga vendi i ngjarjes. Të pandehurit fajësohen për disa vepra penale, mes të cilave “vrasje në rrethana cilësuese” ndaj dy ose më shumë personave dhe “grup të strukturuar kriminal”. Bilbili u arrestua nga policia në 10 prill të vitit të 2020 në zonën e Xhamllikut në Tiranë teksa i gjithë vendi ndodhej në izolim për shkak të pandemisë. Ai u arrestuaa rasrtësiht nga një efektiv policie, pasi u ndalua për një kontroll tëzakonshëm për mos vënien e maskës atë kohë.