Kombëtarja shqiptare do të nisë të hënë grumbullimin për 4 ndeshjet e para të sezonit të ri të Nations League. Trajneri i skuadrës kuqezi, Rolando Maran publikoi listën e futbollistëve të grumbulluar duke dhënë shpjegimet e tij për zgjedhjet e bëra. Ajo që ra në sy në këtë listë përveç afrimeve të reja si ajo e Kerjotës dhe Sinës është mungesa e Brojës dhe Bajramit si dhe rikthimi i Etrit Berishës dhe Maran tregoi gjithçka. Kushtet në bërjen e listës mund të ndikojnë, unë jam fokusuar nga monitorimi që kam bërë dhe ajo çfarë lojtarët kanë dhënë në javët e fundit. Berisha është një lojtar me cilësi të mira si portier dhe duke u ndikuar nga dëmtimi i Strakoshës kam bërë zgjedhjet e mira. Për Brojën dhe Bajramin kam parë zhvillimet e tyre të fundit, por kjo nuk do të thotë se dera e Kombëtares është e mbyllur. Sa i përket Kerjotës, e kemi vëzhguar që në sezonin e shkuar ka qenë protagonist. Për pak sa nuk u shpall kampion dhe është një lojtar që mund të na ndihmojë, është e vështirë t’i ndjekësh lojtarët në secilin vend ku luajnë, prandaj i kam sjellë këtu. Sina është evidentuar kohët e fundit, është i vlefshëm për ne, kemi pasur disa mungesa në kohët e fundit, ndaj është me ne, në të ardhmen do të shohim nëse do të vazhdojë me ne apo me Kombëtaren U-21” Një tjetër temë që u prek në konferencën për shtyp të trajnerit Maran është edhe ajo e zgjedhjes së bërë nga 3 lojtarë shqiptarë për të luajtur me kombëtare të tjera siç ishte rasti i Grudës, Adri mehmetit apo Kurtulan.