Ka shenja se britania e madhe është në fazat e para të një vale të tretë të infektimeve të koronavirusit – paralajmëron një shkencëtar, që këshillon qeverinë e vendit. Profesori Ravi Gupta, nga universiteti i Kembrixhit, thotë sidoqoftë se rastet e reja kanë qenë relativisht të ulëta dhe se varianti indian ka shkaktuar një rritje të ndjeshme. Ai tha se dhënia fund e kufizimeve në angli, në 21 qershor, duhet të shtyhet. Sekretari i ambjentit, George Eustice tha se qeveria nuk mund të përjashtojë shtyrjen e zbutjes së masave. Të dielën, britania e madhe raportoi më shumë se 3 mijë raste të reja të koronavirusit për të pestën ditë radhazi. Para kësaj, britania e madhe nuk e kishte kaluar këtë shifër që nga 12 prilli. I pyetur nga BBC nëse britania e madhe ka hyrë tashmë në një valë të tretë të pandemisë, profesori Gupta tha: po, ka patur një rritje të ndjeshme të rasteve dhe të paktën tre të katërtat e tyre janë me variantin e ri indian të koronavirusit. Sigurisht numri i rasteve është relativisht i ulët në këtë moment, por të gjitha valët fillojnë me numra të ulëta që amplifikohen dhe bëhen shpërthyes, ndaj celësi është që ato që ne po shohim janë shenjat e hershme të një vale të re – tha ai. Sidoqoftë, numri i personave të vaksinuar në britani ka bërë që kjo valë të kërkojë me gjasë më shumë kohë që të shfaqet se ato të mëparshmet. Ai paralajmëroi edhe për një ndjesi të rreme sigurie, që shqetëson jo pak ekspertët.