Banka Qendrore Europiane rrit normën e interesit me 0.5 për qind pavarësisht trazirave në sektorin bankar dhe tregjet financiare. BQE shpërfilli parashikimet që mund të anulonte vendimin mes frikës së efekteve negative në sistemin bankar pas falimentimit të dy bankave në SHBA dhe problemeve me Credit Suisse në Europë. Këshilli Drejtues i bankës vendosi të rrisë tre normat kryesore të interesit me 50 pikë bazë. Rrjedhimisht, norma e interesit për rifinancimet dhe normat e interesit për kredinë margjiinale e lehtësinë e depozitave do të rriten përkatësisht në 3.50 për qind, 3.75 për qind dhe 3.00 për qind, me efekt nga 22 mars 2023.