28 dhe 29 nëntori shënojnë dy ditë të rëndësishme në historinë e Shqipërisë. Njëra e Pavarësisë dhe tjetra e çlirimit të vendit. Prej vitesh, politika në këtë vend me sipërfaqe pak më shumë se 28 mijë kilometra katror është e ndarë. Opozita e sotme mendon se 28 nëntori është dita e pavarësisë 110 vjet dhe po në këtë datë, por 78 vjet më parë është edhe çlirimi i Shqipërisë. Për këtë pikë nuk ka dakordësi, dhe ndër vite palët kanë festuar të ndara. Por këtë vit, ra në sy një fakt tjetër. As Rama dhe as ndonjë ministër i kabinetit të tij nuk ishin në ceremoninë që zhvillohet në Varrezat e Dëshmorëve të Kombit.