Emiratet e bashkuara arabe kanë porositur 80 avionë ushtarakë Rafale të premten, porosia më e madhe kjo për avionë të tillë, në një kontratë shumë miliarda dollarëshe armësh që thellon akoma më shumë lidhjet ekonomike dhe politike me Francën. Presidenti francez, Emmanuel Macron, nisi një udhëtim dy ditor në gji të premten dhe do të vizitojë edhe katarin dhe arabinë saudite. Vizita e tij vjen në një kohë kur vendet arabe të gjirit kanë shfaqur pasiguri për fokusin e SHBA-së në rajon edhe pse ato kërkojnë më shumë armatim nga aleati kryesor i tyre në fushën e sigurisë. Lideri francez ndërkohë ka lidhje të mira me princin e kurorës së Abu Dhabit, Sheikun Mohamed bin Zayed al Nahyan me investimet që rrjedhin mes dy vendeve. Parisi ka një bazë të përhershme ushtarake në kryeqytetin e emirateve.