Kryeministri Rama dhe shefja e Spitalit Infektiv Najada Çomo dhe të tjerë mjekë që bënë dozën e parë të vaksinës më 11 janar 2021, morën sot dozën e dytë duke përmbyllur kështu ciklin e vaksinimit antiCOVID. Mjeku Pëllumb Pipero, i cili gjithashtu duhej të merret sot dozën e dytë të vaksinës, nuk ka qenë i pranishëm pasi ai rezultoi i prekur me COVID-19 para disa ditësh. Doza e dytë e vaksinës nisi me mbërritjen e 1170 dozat e reja të vaksinës anti-COVID të kompania Pfizer mbrëmjen e djeshme në Shqipëri, ndërsa brenda shkurtit do të vijnë edhe mbi 40 mijë doza të tjera. "Dje në darkë kemi marrë konfirmimin nga Pfizer që në mes të shkurtit mbërrijnë mbi 10 mijë doza të tjera të parashikuara dhe brenda shkurtit vijnë edhe mbi 30 mijë doza të tjera, që do të thotë që jemi gati të vaksinojmë të gjithë mjekët dhe infermierët dhe të fillojmë më moshën më të thyer. Me këto doza do të hyjnë në dozën e vaksinimit për moshat e thyera. Jemi shumë pranë kontratës me AstraZeneca për një nr dozash që do të vihen në dispozicion. Kemi shumë arsye të jemi optimist që plani ynë për vaksinim në 14 muaj është i mundshëm" Ministrja e Shëndetësisë, Ogerta Manastirliu e cila ndoqi të gjithë procesin e vaksinimit tha se ky proces po vijon mirë dhe se me marrjen e mbi 40 mijë doza brenda shkurtit nga Pfizer do të nis edhe procesi i vaksinimit të moshave të thyera nëpër azile. Avioni me dozat e 1170 dozat e reja të vaksinës anti COVID nga kompania Pfizer mbërriti dje në orën 20:30, proces ky i gjithi i transmetuar “live”, pas kritikave në drejtim të kryeministrit Edi Rama për mungesë transparence me vaksinat e sjella nga vendi mik .