Deri në 300 miliardë euro kërkon të mobilizojë Bashkimi Europian në 5 vitet e ardhshme për të investuar në projekte infrastrukturore në të gjithë globin, sidomos në Afrikë, Azi dhe Amerikën Latine. "Global Gateëay" quhet inicativa e re globale dhe përmban një shumë më të madhe parash për investime se sa ishte bërë e ditur. Presidentja e Komisionit Europian, Ursula von der Leyen personalisht do të kujdeset për këtë program investimesh. Ai do të jetë në alternativë mbi bazën e vlerave demokratike kundrejt projektit kinez të njohur si "Rruga e Re e Mëndafshit", i inicuar në virin 2013. "Ne tregojmë, se drejtojmë vështrmin jashtë për të mbështetur investime kudo në botë", tha von der Leyen gjatë prezantimit të programit "Gateëay " në Bruksel. "Tek këto projekte bëhet fjalë për transparencë dhe mireqeverisje".Komisioni Europian kërkon të zmbrapsë influencën në rritje të Kinës, megjithëse nuk e përmend këtë shprehimisht. "Përmes kësaj oferte të një zgjerimi pozitiv të infrastrukturës botërore "Global Gateëay" synon të investojë në stabilitetin ndërkombëtar dhe bashkëpunimin. Përveç kësaj kërkohet të demonstrohet që vlerat demokratike, siguria dhe "fairness", sjellin qëndrueshmëri për partnerët dhe avantazhe për njerëzit rreth e rrotull globit", thuhet në programin e KE. Pyetjes nëse kjo iniciatvë shënjestron Kinën, Ursula von der Leyen i përgjigjet: "Kjo është një alternativë e qartë ndaj programeve të tjera."