Ramush Haradinaj akuzon Albin Kurtin se me vendimet e marra dhe kokëfortësinë e treguar jo vetëm që u ka siguruar serbëve bashkësinë e komunave, por po shtyn veriun e vendit drejt autonomisë nga Prishtina. “E dhimbshme. E rrezikshme. Anti-kombëtare e anti-shtetërore krejt çka po bën e si po vepron Kryeministri. Atij nuk po i mjafton asociacioni të cilin tashmë e ka bërë akt të kryer, por po e shtyn nje autonomi për veri. Haradinaj kërkon dorëheqjen e Albin Kurtit, duke e akuzuar për paaftësi për të vënë nën kontroll veriun dhe mbajtur zgjedhjet atje. Insistimi me çdo kusht i mbajtjes së zgjedhjeve në veri, shkruan Haradinaj, është pjesë e skenarit që i jep autonomi veriut, e jo nevojë për rikthim, as të ligjit e as të demokracisë në këtë pjesë të Kosovës. Haradinaj e mbyll deklaratën duke u shprehur se ky skenar nuk do të lejohet. Situata në veri të Kosovës është përshkallëzuar ditët e fundit, ku serbët kanë sulmuar qendrat e votimit të ngritura nga KQZ. Zgjedhjet u thirrën për t’u zhvilluar pas dorëheqjes masive të zyrtarëve serbë në këtë pjesë të Kosovës, të cilët kundërshtuan masat e reciprocitetit në lidhje me targat.