Deputeti britanik Nigel Farage ka vijuar me replikat ne drejtim te kryeministrit Edi Rama pasi pranoi sfiden e tij lidhur me emigrantët e dënuar në Mbretërinë e Bashkuar, duke pretenduar se e ka fituar ‘bastin’. Në një reagim ne platformen “X”, Farage thotw se 1 në 48 shqiptarë që jetojnë në Mbretërinë e Bashkuar, është i burgosur. Madje zotohet se do angazhohet për t'i dëbuar ata drejt Shqipërisë. "I nderuar Edi Rama. Në Mbretërinë e Bashkuar ka 53,000 shqiptarë dhe 1,099 prej tyre janë në burgjet tona. Në fakt, kjo është 1 në 48. Do t’i kërkoj Sekretarit të Brendshëm të organizojë që të gjithë këta të burgosur t’ju kthehen. Faleminderit për bashkëpunimin tuaj”, shkroi Farage. Por e shpejte ishte pergjigja e kryeministrit Rama, i cili permes nje shprehjeje latinisht i kujton deputetit britanik se te gabosh është njerëzore, por të këmbëngulësh në gabim është djallëzore. Madje rama teksa perserit ftesen per te vizituar shqiperine, i kujton Farage se ka humbur perballe shqiptareve.