Top News ka mësuar detaje të reja mbi arrestimin e 4 zyrtarëve të Bashkisë Dimal këtë të martë nga SPAK. Hetimet për këtë çështje kanë nisur në nëntor të vitit 2020 nga kallezimi nj qytetari me inicialet P.B.. në kallëzim qytetari akuzon punonjësit e Bashkisë së Dimalit, se i kanë dëmtuar biznesin e ngritur në një pronë publike të cilën ai e posedonte që prej fillimit të viteve 90’ me justifikimin se do të ndërtohej lulishte, por sipas tij pas prishjes prona i eshte kaluar një qytetari tjetër. Më tej në kallëzim thuhet se ne atë vend ka nisur të ndërtohet një objekti që sipas kallëzuesit është po ashtu privat dhe jo lulishtja që ishte njoftuar. Punimet për lulishte nga ana e Bashkisë, nuk kanë pasur si qëllim zgjerimin e hapësirave publike, por të favorizonin personin tjetër, me të cilin kallëzuesi pranon se ka pasur një konflikt pronësie. Pas gati 2 vitesh hetime për këtë çështje këtë të martë spak lëshoi 6 urdhër arreste.