Zbardhen 8 grabitje të ndodhura në Tiranë në kohë dhe vende të ndryshme. Policia e Tiranës pas një hetimi disa mujor bëri të mundur identifikimin e autorëve dhe pas një operacioni të mirëorganizuar të koduar “Sezoni” janë arrestuar 3 persona dhe dy të tjerë u shpallën në kërkim. Këta persona në bashkëpunim me njëri tjetrin grabisnin banesa dhe kasaforta në banesa të ndryshme në qarkun e Tiranës. Agjentët e policisë kriminale kanë zbardhur dhe dokumentuar me prova 7 raste të vjedhjeve në banesa, 3 prej tyre vjedhje kasafortash, të cilat dyshohet se janë kryer nga këta shtetas. Operacioni u krye nga shërbimet e Komisariatit të Policisë numër, në vijim të punës për parandalimin, evidentimin dhe zbardhjen e rasteve të vjedhjeve të pronës dhe vënien para përgjegjësisë ligjore të autorëve, si dhe falë shërbimeve grackë të ngritura për këtë qëllim.