Një ngjarje e paprecedentë është regjistruar në ditën e parë të vitit 2025 në kryeqytet. Një 34-vjeçar mësohet se ka plagosur me thikë një person dhe goditur me sende të forta një tjetër. Sipas policisë, ngjarja në fjalë ka ndodhur në rrugën “Shyqyri Ishmi”, në orën 16:15. “Gjatë një konflikti për motive të dobëta,në hyrje të pallatit ku banojnë, shtetasi K.Th, 34 vjeç, ka dëmtuar me një mjet prerës komshiun e tij, shtetasin M.N, dhe me sende të forta shtetasin A.N.”, thuhet në njoftimin e policisë të shpërndarë për mediet. Po sipas të njëjtave burime, mësohet se dy të plagosurit, babe e bis, Janë dërguar me urgjencë në spitalin e traumës, ku ndodhen nën kujdesin e mjekëve. Shërbimet e Policisë vijojnë kontrollet me qëllimin kapjen e autorit, teksa grupi hetimor po punon për sqarimin e rrethanave të ngjarjes.