Forcat ajrore amerikane po shohin aktivitetin më intensiv të avionëve rusë mbi Alaskë, që nga koha e luftës së dytë botërore. Kjo është konfirmuar nga një komandant i lartë amerikan. Rritja e aktivitetit ushtarak në zonë, i atribuohet zgjerimit të aktiviteteve të rusisë – thanë gjeneralët e forcës ajrore. Gjeneral-lejtnanti i forcës ajrore David Krumm, është ushtaraku më i fundit amerikan që paralajmëron për aktivitetin e shtuar. “Ne kemi interceptuar më shumë avionë në dhe përreth zonës së identifikimit të mbrojtjes ajrore në alaskë, se në shumë, shumë kohë” Zona në fakt nuk është hapësirë ajrore amerikane, por avionët amerikanë shpesh interceptojnë avionë rusë që hyjnë atje. Vetëm vitin e shkuar, 60 avionë rus kanë fluturuar mbi Alaskë. Më herët këtë muaj, gjenerali Glen VabHerck, që udhëheq komandën veriore amerikane dhe komandën e mbrojtjes hapësinore në amerikën e veriut, i tha senatorëve se SHBA dhe Kanadaja kishin regjistruar më shumë fluturime të tilla gjatë 2020-ës se cdo vit tjetër, që nga koha e luftës së ftohtë.