Zhvillimi i një avioni të ri, të avancuar të gjeneratës së gjashtë, i ndërmarrë nga dy shtete aleate të NATO-s, po përparon me një "ritëm të shkëlqyeshëm", ndërsa SHBA vlerëson të ardhmen e programit të saj të avionëve luftarakë të gjeneratës së ardhshme. Programi Global Combat Air, i udhëhequr nga BAE Systems me bazë në Mbretërinë e Bashkuar, prodhuesi italian i mbrojtjes Leonardo dhe Mitsubishi Heavy Industries i Japonisë, është planifikuar të prodhojë një avion luftarak të gjeneratës së gjashtë që do të jetë në shërbim nga mesi i viteve 2030. Avioni do të njihet si Tempest nga ushtria britanike. Programi Global Combat Air po punon për një "plan kohor të arsyeshëm ", tha për mediat Herman Claesen, drejtor menaxhues në BAE Systems, në ditën e parë të panairit ndërkombëtar ajror Farnborough në Mbretërinë e Bashkuar. Puna po ecën me një "ritëm fenomenal", shtoi ai. Britania, Italia dhe Japonia nisën së bashku Programin Global Combat Air në fund të vitit 2022. Avionët e shpejtë aktualë të fundit janë të gjeneratës së pestë, si avioni stealth F-35 i përdorur nga shumë vende të NATO-s dhe avionët rus Su-57. Avioni i gjeneratës së gjashtë pritet të operojë në krah të avionëve të gjeneratës së katërt të Forcave Ajrore Mbretërore, sic janë Typhoon dhe F-35. Edhe SHBA po mendon të nisë punën për avionin luftarak të gjeneratës së gjashtë, i njohur si NGAD ose ‘Dominimi i Gjeneratës së ardhshme Ajrore’. Por ende nuk ka asgjë konkrete në këtë drejtim. Sipas zyrtarëve amerikanë, avioni i ri i të ardhmes, ka të ngjarë të kushtojë tre herë më shumë se një F-35 Lightning II. Një avion i tillë kushton rreth 100 milionë dollarë.