Kina i ka dërguar një paralajmërim Australisë se do të jetë e para që do të goditet nga një raketë balistike nëse ushtria e saj mbron Tajvanin. Australia është cilësuar e dobët dhe e parëndësishme nga propagandistët në pekin në një kohë kur tensionet me Canberra-n kanë arritur një pikë vlimi në lidhje me luftën tregtare dhe lojën e fajëismit në lidhje me pandeminë e koronavirusit. Gazeta The Global Times, që shihet si altoparlanti i partisë komuniste kineze në fushën e politikës së jashtme, ka lëshuar një mesazh therës për australinë duke thënë se vendi do të jetë në linjën e zjarrit nëse përzjehet në ndonjë konflikt të mundshëm me Tajvanin. Kjo vjen ndërsa forcat detare australiane zhvilluan stërvitje ushtarake në detin e kinës së jugut, këtë muaj, bashkë me SHBA, francën dhe Japoninë. Stërvitja me katër vende, praktikoi sulmet me mjete amfibe dhe ndezi zmerëimin në pekin aq sa the Global Times iu drejtua australisë me një paralajmërim të qartë: Ushtria e australisë është shumë e dobët për të qenë një kundërshtare e denjë e kinës dhe nëse ajo guxon të ndërhyjë në një konflikt ushtarak, psh në ngushticën e tajvanit, forcat e saj do të jenë të parat që do të goditen. Australia nuk duhet të mendojë se mund ti fshihet kinës nëse ajo e provokon.