Ka shkuar në 19 numri i personave të arrestuar në vendin tonë në kuadër të opercionit policor ndërkombëtar të koduar “ASTROLABIO”. Operacioni ndërkombëtar po kryhet nga tre shtete, Shqipëri, Itali dhe Greqi dhe ka si qëllim vënien përpara përgjegjësisë të atyre personave të cilët janë të përfshirë në organizata kriminale apo në grupe të ndryshme që në vetvete kanë strukturë kriminale. Më herët në vendin tonë si pasojë e këtij operacioni pati 18 të arrestusr, ndërsa një tjetër person i përfshirë në një grup të struktuar kriminal është vënë në pranga këtë të enjte në qytetin e Vlorës. Sipas policisë ky shtetas akuohet për veprat penale “Ndihma për kalim të paligjshëm të kufijve”, “Grupi i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”. Gjatë hetimeve të kryera nga Skuadra e Përbashkët Hetimore midis tre vendeve është dokumentuar fakti se pjesëtarët e katër grupeve kriminale në bashkëpunim me njeri tjetrin, ushtronin aktivitetin kriminal të kontrabandimit të personave të ndryshëm nga Lindja e Mesme, me destinacion Italinë e Jugut dhe në vijim drejt vendeve të tjera të BE-së. Këta persona të cilët janë të përfshirë në këto grupe kriminale kontrabandonin persona në mënyrë të kundraligjshme duke marrë në këmbim një shumë parash e cila variante nga 5 mijë deri në 10 mijë euro. Autoritetet në vendin tonë, shtetin italin dhe atë grek vijojnë punën pa ndërprerë për kapjen e personave të tjerë të përfshirë në këtë veprimtari kriminale.