Top News – Arrestohet spiunia ruse në Kosovë/Ishte ‘maskuar’ si gazetare, kush ishte misioni i saj!

Autoritetet kosovare kanë ndaluar në hyrje të territorit shtetasen ruse Daria Aslamova, për të cilën shumë shtete të tjerë kanë arritur në konkluzionin se ka punuar për inteligjencën ushtarake të vendit, duke u fshehur edhe nën petkun e gazetares. Lajmi është bërë me dije nga ministri i Brendshëm, Xhelal Sveçla, i cili me anë të një postimi në rrjetet sociale shkruan se Aslamova ka marrë pjesë edhe në luftimet në Ukrainë duke bërë propagandë mbi pushtimin rus ndaj Ukrainës. “Autoritetet e Republikës së Kosovës kanë qenë në dijeni për veprimtarinë e saj por edhe se në disa shtete ajo e ka të ndaluar të hyjë për shkak të veprimtarisë së saj. Me këtë rast, ajo është ndaluar dhe po vazhdon angazhimi i aktrëve përkatës deri në zbardhje të qëllimeve të saj”, shkruan ministri në Facebook.