Top News- Arrestohet drejtori i Ujësjellësit/ Alfred Prodani akuzohet nga Spanja, pritet ekstradimi

Policia e Lezhës ka vënë në pranga këtë të shtunë Drejtorin e Ujësjellëti të Kurbinit Alfred Prodani. Mësohet se Prodani është arrestuar për llogari të INTERPOL pasi dyshohet se ka kryer vjedhje ne Spanjë. "Në kuadër të operacionit policor të koduar “Coruna”, forcat policore të Komisariatit të Policisë Kurbin, në bashkëpunim me Interpol Tirana, kapën dhe arrestuan në qytetin e Laçit, me qëllim ekstradimi drejt Spanjës, shtetasin Alfred Prodani, 41 vjeç, banues në Kurbin. Ky shtetas, ishte shpallur në kërkim ndërkombëtar, pasi Gjykata Coruna/Spanjë, në vitin 2013, ka lëshuar urdhër arresti ndërkombëtar, për veprën penale “Vjedhja me dhunë”, parashikuar nga Kodi Penal i Spanjës", thuhet në njoftimin e policisë.