Një eksplorues që ka kaluar vite duke kërkuar trenin e artë nazist, të mbushur me vepra të grabitura arti thotë se mendon se një liqen mund të fshehë vagonët nazistë plot me thesare. Piotr Koper, nga Valbryzh në poloninë jugperëndimore, thotë se ka kryer një kërkim paraprak në liqen duke përdorur një gjeo radar dhe ka zbuluar hekur, që mund ti përkasë vagonëve. Sipas historianëve, në verën e 1945-ës, një autokolonë kamionësh u nis nga qyteti i afërt i Goerlitz-it me vepra arti nga një muze. Eksploruesi dhe ekipi i tij kanë kërkuar në zonën në fshatin Zarska Vies, që nga dhjetori duke përdorur një sistem sonar, GPR, një magnetometër dhe një dron nënujor. Kohët e fundit, një zhytës që mban edhe rekordin Guinnes, u krodh në liqen për të bërë një video atje. Ai tha se kishte parë dicka nën ujë por nuk ishte i sigurt nëse ishin kamionët e famshëm. Ai shtoi se përvec mbetjeve të mureve të një miniere, kishte edhe goma të vjetra dhe objekte të tjera. Pak javë më parë, gjuetarët e thesareve zbuluan një rrjet sekret tunelesh të luftës së dytë botërore, që mendohet se cojnë në atë që njihet si Amber Room, e humbur prej kohësh. Dhoma u ndërtua për carin rus, Pjetrin e Madh në vitet 1700 dhe ishte e mbushur me margaritarë por u grabit nga nazistët dhe u zhduk në mënyrë të mistershme në fund të luftës. Liqeni Topliz në austri, është një tjetër vend që është kontrolluar nga gjuetarët e thesareve dhe mendohet se mban rreth 5 miliardë dollarë ar nazist të humbur që u hodh në ujë nga skuadrat SS ndërsa lufta po përfundonte. Në vitet 1940, nazistët e përdorën liqenin si një site testimesh dhe malet përreth tij si një vendpushimi për oficerët.