Kultivimi i marihuanës është një nga aktivitetet kryesore kriminale, me organizata të fuqishme transnacionale pas saj dhe një biznes miliona eurosh. Mediat spanjolle flasin për dy kategori personash që merren me këtë lloj aktiviteti. Nga njëra anë janë mafiozët dhe njerëz me rrezikshmëri kriminale, e nga ana tjetër, persona pa precedentë, por duan të bëjnë para në mënyrë të shpejtë. I ashtuquajturi ‘ari i gjelbër’ gjeneron fitime astronomike. Një gjyqtar në Tarragona thotë se prodhimi i marijuanës është aq fitimprurës, saqë me një investim 6 mijë euro, gjeneron të ardhura deri në 240 mijë euro. Klima dhe vendndodhja gjeografike, së bashku me afërsinë e kufirit dhe lehtësinë e prodhimit të kanabisit, nënkuptojnë se Spanja dhe konkretisht Katalonja, është bërë prodhuesi dhe eksportuesi kryesor në të gjithë Evropën.