Efektivët e Forcave Detare në Forcat e Armatosura kanë zbarkuar, prej dy ditësh, në brigjet detare të vendit, ku po zhvillohet stërvitja Grupex 22. Kjo stërvitje ka si synim vlerësimin dhe certifikimin e grupeve të anijeve patrulluese si njësi zbatuese, planëzimin e Shtabit të Flotiljes Detare si dhe kryerjen e qitjeve me armatimin e anijeve. Janë në total 11 anije të Flotiljes Detare dhe tre anije të klasit “Arch Angel”, të cilat po përdoren për stërvitjen Grupex 22. Stërvitja dhe qitjet bregdetare po zhvillohen në përputhje me dokumentet stërvitore si dhe ato të NATO-s.