Në një postim të datës së sotme, por që I referohet situatës së pasdites së të mërkurës, ambasada e Shteteve të Bashkuara në Tiranë reagoi duke I bërë thirrje qytetarëve amerikane të bëjnë kujdes e të shmangin tubimet e mëdha. Këshilla të tilla, misioni diplomatik I SHBA-së I përsëriti vazhdimit në raste përshkallëzimi të situatës. “Ambasada ka marrë raporte për protestën që ndodhi përpara zyrave qeveritare në Bulevardin “Dëshmorët e Kombit”, në Tiranë. Raportet tregojnë se disa protestues kanë hedhur objekte në drejtim të policisë dhe disa efektivë u plagosën. Efektivët e policisë kanë përdorur gaz lotsjellës për të kontrolluar turmën. Qytetarët amerikanë duhet të shmangin tubimet e mëdha, pasi demonstrata të ngjashme mund të përhapen në zona të tjera. Personeli i ambasadës amerikane dhe anëtarët e familjes janë këshilluar të shmangin të gjithë vendet, ku demonstratat janë të pritshme ose në vazhdim”, thuhet në njoftim. Protesta të njëpasnjëshme u zhvilluan një ditë më parë ndaj vrasjes së 25 vjecarit Klodian Rasha prej një efektivi të policisë, të cilat kulmuan më një shpërthim të dhunës përpara kryeministrisë. Furia e demonstruesve ishte e madhe aq sa detyroi mbërritjen e përforëcimeve nga Forcat e ndërhyrjes së shpejtë, që përdorën gaz lotsjellës e pompa uji mbi demonstruesit, duke I irrituar edhe më shumë.