Aleti më besnik ‘braktisi’ Partinë Demokratike vetëm tre muaj para zgjedhjeve lokale. Fragmentimi i opozitës solli krijimin e një aleance të re, aleancës progresiste. Dashamir Shehi i Lëvizjes për Zhvillimin Kombëtar dhe Astrit Patozi i Bindjes Demokratike u zotuan të dalin në elektorat me kandidatë të përbashkët dhe vizion të ndryshëm nga ai i Berishës e Metës. “Me Berishën dhe Metën na ndan një humnerë e tërë sa i përket vizionit. Unë kam pasur të shkuarën time në PD, por kjo nuk do të thotë asgjë sepse politika është dinamike. Unë shoh se ka ardhur PD në idetë tona dhe nuk kemi shkuar ne tek PD” Dashamir Shehi: “Nuk pranojmë më marrëveshjen e 2008 mes Berishës dhe Ramës. Ka ardhur dita që Shqipëria të qeveriste ndryshe. Kjo është një forcë opozitare, do jemi kundërshtarë të qeverisë së Edi Ramës, por me një vizion të ndryshëm nga ai i Berishë dhe Metës”