Koronavirusi dhe gripi sezonal të cilët kanë kapluar vendin tonë prej gati një muaji, kanë ndikuar në rritjen e shifrave të infektimeve dhe të viktimave, ku në të gjithë vendin janë mbi 24 mijë raste aktive, përfshirë këtu qytetarë të të gjitha moshave, nga foshnjat deri tek të moshuarit. I gjithë vendi është në një situatë të ngarkuar, ku spitalet janë të mbingarkuar nga pacientë, të cilët janë të infektuar por edhe nga ata të cilët paraqiten me simptopmat e gripit. Por jo vetëm spitalet, edhe në institucione private ka mungesë të theksuar të stafit si pasojë e gripit të përhapur. Kjo e premte sërish ka shënaur një numër të lartë të rasteve të reja. Në 24 orë, raportohet se 2 mijë e 670 qytetarë janë infektuar me koronavirus, pas 9,485 testimeve të kryera. Tirana paraqitet qarku me rrezikshmëri më të lartë, ku vetëm në kryeqytet janë shënuar 1 mijë e 434 raste. Sa I përket viktimave, ministria e shëndetësisë ka raportuar se 6 qytetarë nuk mundën të fitojnë betejën me virusin e rrezikshëm. Njëri nga viktimat është një 36 vjecar nga Saranda, ndërsa të tjerët janë të moshve 62 deri në 84 vjec. Në njoftimin zyrtar, I cili raporothet cdo ditë nga ministria bëhet me dije se aktualisht në spitalet covid po marrin trajtim 134 pacientë, nga të cilët 13 janë në gjendje më të rënduar. Ndërsa po gjatë këtij harku kohorë, janë shëruar 2,152 qytetarë, duke e çuar numrin e të shëruarve në 216,785 që nga fillimi i epidemisë.