Top News-Aksidenti në Tiranë, foshnja del nga spitali/Stabilizohen prindërit,autori nuk pranon akuza

Një lajm i mirë, vjen në lidhje me aksidentin e rëndë të një dite më parë në Rrugën e Kavajës, ku një makinë përplasi një çift dhe foshnjen e tyre tremuajshe në karrocë, ndërsa kalonin në vijat e bardha. Sipas të dhënave, foshnja 3-muajshe që u përplas nga automjeti mesditën e së dielës, fatmirësisht ka dalë nga spitali, ndërkohë që Arjan dhe Vilma Konomi, çifti i bashkëshortëve janë në gjendje të stabilizuar dhe kanë kaluar në pavion ku po marrin trajtimin e nevojshëm mjekësor për politraumë. Policia nuk ka treguar aspak tolerancë ndaj drejtuesit të mjetit që shkaktoi aksidentin, i cili më pas e braktisi atë duke mos iu dhënë as ndihmë personave që përplasi.