Detaje të reja kanë dalë në dritë nga aksidenti tragjik në Itali, i cili u mori jetën në mënyrë të menjëhershme pesë të rinjve. Përplasja e fortë mes autobusit, shoferi i të cilit ishte një shqiptar dhe makinës ku udhëtonin pesë të rinjtë, shkaktoi në vetëm pak sekondave një tragjedi të pesëfishtë. Shqiptari 58 vjeçar, Vangjel Tuslluku, i cili drejtonte autobusin, është prononcuar për mediat italiane duke treguar detajet dhe rrethanat e plotë të ngjarjes. Tuslluku ka argumentuar se makina tip “Volksëagen Polo” me të cilin po udhëtonin të rinjtë kaloi si rrufe, me të paktën 150 km në orë. “Ishte një përplasje shumë e fuqishme. Pashë një dritë në korsinë time. Fillimisht mendova se ishte motor. Në një moment pashë makinën përpara dhe dëgjova një zhurmë të fuqishme. Më goditi dhe menjëherë u thye xhami. Nuk mund të shihja asgjë. Në këtë moment kalova në korsinë tjetër, humba kontrollin. Autobusi nuk kishte më frena dhe timoni ishte shumë i fortë. Mjeti ndaloi pas disa sekondash, ndërsa unë vazhdoja të dëgjoja një zhurmë të tmerrshme. Isha i bindur se po godisja edhe mjete të tjera”, ka rrëfyer Tuslluku.