Një bilanc ‘lufte’ është regjistruar këtë të dielë në rrugët e vendit. 3 qytetarë kanë humbur jetën në disa aksidente në zona të ndryshme të vendit. Aksidentet kanë ndodhur në Përmet, Lezhe dhe Vlorë. Në Përmet një 62-vjeçar, i cili po udhëtonte me biçikletë është aksidentuar për vdekje nga një automjet. Aksidenti ka ndodhur mëngjesin kësaj të diele, rreth orës 07:00 në aksin Këlcyrë-Përmet, në afërsi të fshatit Kutal. Një mjet tip “Renault” me drejtues një 44 vjeçar, banues në Këlcyrë ka goditur 62 vjeçarin banues në fshatin Kutal, i cili udhëtonte me biçiklete. Një tjetër aksident i rëndë u regjistrua në orët e para të mëngjesit në superstradën Lezhë-Milot. Nga ky aksident humbi jetën Denis Dedgjonaj, 24 vjeç dhe mbeti i plagosur Ndue Pjetri. Makina me të cilën udhëtonin ata doli nga rruga dhe përfundoi në një biznes. Ndërsa në Vlorë ka humbur jetën pasdite po nga një aksident, një 27 vjeccar. Ngjarja ndodhi rreth orës 15 në fshatin Gjormë, të Vlorës ku makina me drejtuesin Akil Ruçi doli nga rruga. Drejtuesi i makinës u dërgua menjëherë në spital por nuk arriti t'i mbijetojë plagëve të marra.