Një aksident i rëndë është shënuar këtë të shtunë në fshatin Çermë të Lushnjës, ku si pasojë e përmbysjes së një traktori, janë plagosur gjyshi, nipi e mbesa. Mësohet se Xhevahir Allkja, kishte shkuar për të punuar në tokat bujqësore në fshat dhe kishte marrë me vete në traktor edhe nipin e mbesën, përkatësisht 8 dhe 10 vjeç. Sipas burimeve nga vendi i ngjarjes, bëhet e ditur se teksa gjyshi ka tentuar të kalojë në argjinaturën e lumit por nuk ka mundur të kthejë traktorin, në atë moment karroceria e tij ëhtë përmbysur duke i zënë që të tre poshtë pasi kanë rënë nga një lartësi prej 3 metrash. Si pasojë e aksidentit dy prej të plagosurve kanë marrë plagë të lehta dhe janeëne jashtë rrezikut për jetën, ndërsa mbesa 10-vjeçare raportohet në gjendje të rëndë. E mitura pasi ka marrë ndihmën e parë mjekësore në Spitalin e Lushnjës është nisur me urgjencë drejt Tiranës për mjekim më të specializuar. Mësohet se dy të miturit jetonin me gjyshi, pasi i ati ka ndërruar jetë disa vjet më parë.