Ministrja e Infrastrukturës dhe Energjisë, Belinda Balluku tha gjatë inspektimit në kanterin e punës për ndërtimin e Aeroportit të Kukësit se punimet do të përfundojë pas 4 muajve. Në aeroport po vijion puna për shtimin dhe zgjerimin e pistës si dhe ndërtimin e godinave të nevojshme, të cilat do të jenë pjesë e funksionimit të këtij aeroporti, e ndërkohë paralelisht kanë nisur procedurat edhe për licensimin e tij. Pista aktuale e këtij aeroporti po shtohet me 300 metra, për të arritur në total një gjatësi prej 2.2 kilometrash, duke plotësuar në këtë mënyrë të gjithë elementët e nevojshëm të sigurisë. Balluku tha se qeveria ka marrë të gjitha masat për t’i ofruar këtij aeroporti të gjithë infrastrukturën e nevojshme. “Jemi në një aeroporti, i cili është ndërtuar për qëllime ushatarake, me parametra të tjerë, të cilët nuk përputhen me parametrat e aviacionit civil, kështu që pavarësisht se është thënë gjithmonë që aeroporti i Kukësit ekziston aty dhe mjafton të bëhen disa modifikime, këtu praktikisht po ndërtohet një aeroport i ri Sapo kemi mbyllur procedurën pranë Autoritetit Rrugor Shqiptar për ndërtimin e rrugës së aeroportit të Kukësit, që lidh qytetin e Kukësit dhe Rrugën e Kombit me aeroportin, duke i krijuar kështu infrastrukturën e duhur një aeroporti ndërkombëtar. Në këtë zonë gjithashtu kemi pasur një investim të OSHEE-së duke sjellë këtu linjën 20 kilovolt dhe duke i dhënë një furnizim me atë që kërkohet për operimet e aeroportit për të mos pasur problematika