Udhëheqësi i fortë i rusisë, Vladimir Putin është shfaqur në disa imazhe të reja që e tregojnë atë në mesin e siberisë së egër, e kjo, ndërkohë që ka shqetësime për shëndetin e tij pasi disa anëtarë të rrethit të ngushtë të tij u prekën nga covidi. Videot në stil-aksion, tregonin presidentin që gjuante arinj dhe peshkonte, dhe janë publikuar thuajse dy javë e gjysmë pasi ishin filmuar. Putin raportohet se është në vetëizolim për shkak të një shpërthimi covidi në rrethin e ngushtë të tij. Ai shihet sërish në pamje me ministrin e tij të mbrojtjes, besnik, në një udhëtim 72 orësh kampingu në tagë, që besohet se është një rezervat natyror në Khakasia. Imazhet tregojnë edhe ministrin Shoigu që tregon një shpellë ariu ku bisha jetonte. Ndërsa Putin drejton një makinë 4x4, një barkë në një lumë siberian, hedh grepin për peshkim dhe ecën përmes maleve. Lideri i kremlinit ka pranuar madje edhe se për pak kishte dalë nga rruga pasi kishte ngarë makinën krah një tufe drerësh që galoponin.