Pavarësisht se zgjedhjet e 6 marsit, më shumë janë administrative për politikën, ato do të shërbejnë si një test për opozitën, por mbi të gjitha për maxhorancën. Partia Demokratike vjen në këto zgjedhje të pjesshme më e përçarë se kurrë më parë në historinë e 3 dekadave të fundit. Ndaj këto zgjedhje janë një test absolut për Bashën që pretendon shumicën, por edhe për Berishën që është rikthyer në skenën politike me foltoret, kuvend, apo referendum me demokratë që e mbështesin atë.