50 punonjës policie janë vënë nën hetim nga prokuroria vetëm në muajin qershor, pasi akuzohen për shkelje të ndryshme që kanë kryer gjatë ushtrimit të detyrës. 6 prej tyre janë arrestuar me vendim gjykate, si të akuzuar për shpërdorim detyre, korrupsion, por edhe për vepra të tjera penale, si mosveprim, apo veprime arbitrare. Të dhënat u publikuar nga Agjencia e Mbikqyrjes Policore, ndërsa muaji qershor rënditet si muaji me më shumë procedime sa i përket punonjësve të policicsë së shtetit. Rasti më i fundit, ishte edhe masa e sigurisë arrest në shtëpi, e vendosur nga gjykata për dy ish nëndrejtorët e policisë së Elbasanit, të cilën bënë deklaratë të rremë dhe nuk reaguan në kohë për të parandaluar vrasjen e Pjerin Xhuvanit, disa ditë para zgjedhjeve të 25 prillit 2021.