Rritja e rasteve të reja në vendin tonë vijon të ketë të njëtin ritëm, ndërsa edhe numri i testimeve cdo ditë e më shumë shtohet. Edhe kjo e premte ka shënuar një tjetër shifër të lartë infektimesh, ku vetëm në 24 orë raportohet për 1615 raste nga 5621 testime të kryera. Ministria e shëndetësisë ka bërë me dije se në 24 orët e fundit 5 persona kanë humbur jetën si pasojë e virusit të rëndë. Betejën nuk e fituan tre qytetarë nga Tirana të moshave 67-79 vjeç, një qytetare nga Fieri 77 vjeçe dhe një qytetar nga Durrësi 94 vjeç. Gjatë 24 orëve paraprake janë shëruar 2564 qytetarë, duke e çuar numrin e të shëruarve në 230,193 që nga fillimi i epidemisë. Në njoftimin zyrat bëhet me dije se aktualisht në spitalet COVID po marrin trajtim 125 pacientë, nga të cilët 7 janë në gjendje më të rënduar. Ndërkohë, janë 22,214 qytetarë aktivë me COVID19 në të gjithë vendin.