EUROPOL ka përditësuar listën e kriminelëve më të kërkuar, ku ndër 65 të përmendurit, nuk mungojnë shqiptarët. Në listën e ‘Most Ëanted’ janë 4 shtetas shqiptarë, që kërkohën Nga Luksemburgu, Qiproja e Çekia. Por cilat janë rekordet kriminale të 4 shqiptarëve që kanë ngritur në këmbë autoritetet europiane. Personi që shihni në foto është Aleks Burreli, vrasësi me pagesë që ekzekutoi në 2016-n biznesmenin qipriot. 50-vjeçari në 2016 në një restorant hapi zjarr drejt një tavoline ku po darkonte biznesmeni 51-vjeçar. Biznesmeni dhe dy nga policët që e shoqëronin mbetën të vrarë, po ashtu edhe bashkëpunëtori I autorit, Jani Vogli. Burreli mundi të largohej nga vendngjarja dhe që prej asaj dite, policia greke dhe ajo e Qipros nuk kanë mundur të gjejnë asnjë gjurmë të 50-vjeçarit. Në listën e më të kërkuarve të Evropës është edhe një shqiptar nga Maqedonia, Valon Azemi, aktualisht 39 vjeç.