Ulja e rasteve të reja ditore të infektuar me Covid 19, nuk ka ndalur viktimat e prekura nga virusi. 4 humbje jete të tjera ka raportuar ministria e Shëndetësisë gjatë 24 orëve të fundit. Me këto humbje jete numri i viktimave në vendin tonë që nga fillimi i pandemisë ka shkuar në 2416 viktima. Ndërkaq numri i rasteve të reja të konfirmura këtë të hënë është 30 të infektuar, shifra më e ulët e ngjashme me pranverën e vitit të kaluar kur pandemia ishte në fillimet e saj. Gjithsesi janë kryer 1444 testime ndaj personave të dyshuar dhe rastet poziotive kanë rezultuar 10 në Tiranë, nga 3 raste në Korçë, Devoll dhe Sarandë, 2 raste në Vorë, nga 1 rast në Shkodër, Fier, Lushnje, Vlorë, Mirditë, Kamëz, Malësi e Madhe, Kolonjë, Gramsh. Pa pësuar një rënie të lehtë numri I të shtruarve krahasuar me një ditë më parë dhe janë përkatësiht 99 pacient që po marrin trajtim në 2 spitalet covid në Tiranë, 6 në terapi intensive, nga të cilët 4 pacientë janë të intubuar. Në 24 orët e fundit janë shëruar 952 qytetarë, duke e çuar numrin e të shëruarve në 118,041 që nga fillimi i epidemisë, numri I rasteve aktive ka pësuar rënie të ndeshme krahasuar me marsin kur arriti mbi 35 mijë raste aktive, dhe aktualisht janë 11,296 persona të infektuar në vend me koronavirus. Numri i përgjithshëm i rasteve pozitive me Covid 19 që nga marsi i vitit të kaluar kur u konfuirmuan rastet e para ka shkuar në 131 753.