Top News- 4.5 tonë kokainë, 105 milionë Euro! E fshehur mes bagëtive, Spanja konfiskon sasinë rekord

Policia spanjolle konfiskoi 4.5 tonë kokainë me një vlerë të përllogaritur tregu prej 105 milionë eurosh pas një kontrolli në një anije të mbushur me bagëti pranë ishujve Kanarie, më herët këtë javë. Anija kishte ndaluar në porte në mbi 12 vende para kontrollit të policisë të enjten. Zyrtarët thanë se trafikantët e drogës kishin filluar të shfrytëzonin anijet e bagëtive sepse ishte më e vështirë për policinë që të binte në gjurmët e ngarkesës së tyre të paligjshme.