Edhe Maqedonia e Veriut, njësoj si vendet e tjera të rajonit po përjeton një rritje të ndjeshme të të infektuarve dhe viktimave si pasojë e Covid-19. Përgjatë 24 orëve të fundit, Ministria e Shëndetësisë bën me dije se kanë humbur jetën nga virusi i rrezikshëm plot 36 persona. Po përgjatë këtij harku kohor, janë shënuar edhe 1037 raste të reja infektimesh me Covid-19. Viktima më e re e shënuar në këto 24 orë është një 24 vjecar nga Resnja. Infektimet më të larta janë shënuar në Shkup, Tetovë dhe Gostivar. Bëhet me dije se 543 pacientë janë shëruar, duke e çuar numrin e të shëruarave 154.174 që nga fillimi i pandemisë. Sipas Institutit të Shëndetit Publik, numri më i madh i viktimave nga Covid-19 janë të pavaksinuar, ku në bazë të të dhënave përgjatë 3 javëve të fundit, vetëm 30 nga 276 viktima kanë qenë të vaksinuar.