Edhe Maqedonia e Veriut, po njësoj si vendet e tjera në rajon, paraqet një situatë të rënduar pandemike. Në 24 orët e fundit, Ministria e Shëndetësisë bën me dije se kanë humbur jetën 32 persona të infektuar me Covid-19, si edhe janë konfirmuar dhe 299 raste të reja, nga 2628 testime të kryera. Me jetët e humbura përgjatë këtij harku kohor, numri total I viktimave ka shkuar në 5901 që nga fillimi i pandemisë. Po ashtu janë shëruar edhe 545 pacientë, duke e çuar numrin e të shëruarve në total në 155 545 pacientë. Numri i rasteve aktive në Maqedoninë e Veriut aktualisht është 14077.