Top News – 300 kg kokainë me vlerë 10 milionë euro /Selanik, 4 britanikë në pranga nga DEA amerikane

Një sasi e madhe droge e llojit kokainë është sekuestruar këtë të premte në Selanik, nga DEA amerikane në bashkëpunim me policinë anti drogë të Greqisë. Sipas të dhënave paraprake, kokaina u gjet në një kontenier me banana në portin e Selanikut, disa ditë më parë. Bëhet fjalë për 300 kilogramë kokainë të pastër, e cila nëse do të dilte në treg do të kapte vlerën e 10 milionë eurove. Ka qenë DEA amerikane ajo që lajmëroi autoritetet greke se në portin e Selanikut po kalonte një sasi e madhe droge përmes një kontenieri me banane. Sipas mediave helene, të paktën 4 persona, pjesë të një rrjeti ndërkomëbtar të trafikut të drogës kanë rënë në pranga. Dy prej tyre, ishin drejtuesit e grupit për transportin e kokainës në Selanik.