Kush vendos çmimin e drogës në Romë, qeveris tregun dhe kushdo që qeveris tregun komandon Italinë. Arben Zogu, Dorian Petoku dhe Elvis Demçe ja kanë dalë. Falë marrëdhënieve të vendosura me “Kartelin e Gjirit” në Kolumbi, falë paktit me ushtrinë marokene që lehtësojnë kanalet e furnizimit me hashash, e gjithashtu falë disa agjentëve të mirë në Ekuador, ata janë tashmë në krye të trafikut. Mediat italiane duke iu referuar të dhënave nga dosjet voluminoze të hetimit shkruajnë për historinë e 3 zotëve që pushtuan Romën me lëndë narkotike. Nëse bashkojmë punën e viteve të fundit të Drejtorisë së Rrethit Antimafia të Prokurorisë Publike të Romës, gjejmë një nismë të kësaj historie. E bashkë me të edhe tre emra të përsëritur: Arben Zogu, Dorian Petoku dhe Elvis Demçe. Dhe pikërisht me Arbenin nis. E quajnë “Riçardino”, i cili tashmë ka grumbulluar një pasuri marramendëse me drogë dhe me lojrat e fatit. Madje ai ka zhvilluar një farë aftësie diplomatike në vendosjen e marrëdhënieve të forta me familjet e krimit. Elvis Demçe, trafikanti më i njohur shqiptar në Itali e shpalli vetën ‘zoti I drogës’, e kërkonte të merrte të gjitha pushtetet e botës së nëndheshme të krimit. Demçe u bë i njohur për përplasjen mes dy grupeve shqiptare për shkak të sherreve të njëpasnjëshme për territor. Ndërsa Dorian Petoku u arrestua në 2019 në Shqipëri e në shtatorin e kaluar e u ekstradua në Itali.