Shtetet e Bashkuara të Amerikës dhe Izraeli zgjeruan të mërkurën hartën e sulmeve ndaj Iranit, me Tel Avivin që nisi sulme të reja dhe Pentagonin që paralajmëroi se do të “godasë më thellë”. Për herë të parë, në ditën e pestë të sulmeve, Shtetet e Bashkuara goditën Iranin edhe jashtë Lindjes së Mesme. Sekretari i Mbrojtjes i SHBA-së, Pete Hegseth, njoftoi se një nëndetëse amerikane ka fundosur një anije luftarake iraniane në Oqeanin Indian, duke vrarë të paktën 80 persona. Izraeli intensifikoi sulmet edhe në Liban, ku vetëm të mërkurën u raportua për 20 të vrarë nga bombardimet. Në kundërpërgjigje të sulmeve, Irani nisi sulm të ri me raketa drejt Izraelit. Forcat Mbrojtjes të Tel Avivit u bënë thirrje qytetarëve të mos dalin nga banesat, ndërsa njoftuan se sistemet mbrojtëse po punojnë për të kapur raketat iraniane para se të shpërthejnë.