Kur ka mbetur 1 ditë nga afati i përfundimit të regjistrimeve në Komisionin Qendror të Zgjedhjeve vijon të jetë i lartë edhe numri i atyre që u është refuzuar regjistrimi për të shprehur vullnetin e tyre në 11 maj. Rreth 42 mijë qytetarëve u është refuzuar kërkesa, teksa shkak kryesor për këto refuzime mbetet adresa e banimit dhe ngarkimi i dokumentit që e vërteton atë. Në të tillë situatë numri i zgjedhësve unikë, që kanë kërkuar të regjistrohen është mbi 271 mijë qytetarë, teksa kanë arritur ta finalizojnë regjistrimin e tyre rreth 218 mijë shqiptarë. Italia mban rekordin e kërkesave për tu regjistruar në Platformën PER, e njëherësh edhe atë të regjistrimit me sukses me mbi 80 mijë emigrantë. Njëkohësisht, Italia mban edhe rekordin e refuzimit të kërkesave për tu regjistruar, me rreth 19 mijë të tilla. Italia ndiqet në këto rekorde nga Greqia e Gjermani.