200 akademikë anglezë akuzohen se kanë ndihmuar Kinën për prodhimin e armëve të shkatërrimit në masë. Të gjithë ata, sipas The Times, dyshohet se kanë shkelur ligjet në lidhje me eksportin e pronës intelektuale në vendet armiqësore. Nëse shpallen fajtorë, rrezikojnë të paktën 10 vjet heqje lirie. Sipas burimeve të qeverisë britanike, akademikët në fjalë punojnë në një duzinë universitetesh në Britaninë e Madhe. Dyshohet se Kinës mund t`I jenë dërguar teknologji pararojë të lidhura me ndërtimin e avionëve, raketave dhe armësh të tjera. Zyrtarët e Londrës gjithashtu druhen se atom und të përdoren për shtypjen e disidentëve politikë dhe pakicave të tilla si myslimanët ujgurë. Mendohet se një pjesë e akademikëve e kanë shkelur padashur ligjet, duke përfshirë këtu dhe marrëveshjet tregtare me kompanitë kineze. “ shumë shpejt mund të shohim me dhjetëra akademikë të dalin përpara gjyqit”, u shprehën të njëjtat burime. Emrat e universiteteve të përfshira në hetim, nuk janë bërë publike.