Autoritetet panameze kanë konfiskuar një sasi rekord parash droge, më shumë se 10 milionë dollarë kesh, në një goditje ndaj bandave të lidhura me klanin e Gjirit në Kolumbinë fqinje. Hetuesve iu deshën më shumë se 12 orë për të numëruar paratë duke përdorur 12 makina, disa prej të cilave madje edhe u prishën nga pesha e parave – tha zyra e prokurorit. Paratë u gjetën në tre vende të fshehta në një shtëpi në Nueva Providencia, në provincën e karaibeve Kolon. Ky ëhstë padyshim konfiskimi më i madh i parave të trafikut të drogës në të gjithë historinë e vendit – tha prokurori Havier Karaballo. Makinat e numërimit të parave, e patën të vështirë ta përballonin shumën, disa madje u dëmtuan dhe u detyruam ti zëvendësonim – vijoi ai. Goditja ishte pjesë e një operacioni që coi në arrestimin e 57 personave këtë javë, me lidhje të dyshuara me klanin e gjirit që është dobësuar nga kapja në kolumbi e liderit të saj dhe dhjetëra anëtarëve të tjerë, që nga muaji i shkuar. Klani kontrollonte rreth një të tretën e prodhimit të kokainës në kolumbi, eksportuesin më të madh të drogës në vend. Shba është konsumatori më i madh. Të arrestuarit në operacionin në panama, përfshinin pesë oficerë policie, dhe akuzohen se kanë marrë sasi të mëdha droge nga kolumbia dhe i kanë fshehur ato para se ti nisnin për në shba përmes amerikës qendrore. Operacioni në të cilin morën pjesë edhe agjentë të DEA-s amerikane, po ashtu coi në konfiskimin e 10 armëve të zjarrit dhe 38 makinave luksoze që i përkisnin grupit. “Ne po flasim për një goditje të rëndë mbi një grup kriminal, atje ku i dhemb më shumë, tek paratë”, tha Karaballo.