Enti Rregullator i Energjisë miratoi çmimin 10 lekë për kËh për prodhuesit me përparësi. Në këtë kategroi përfshihen HEC-e deri në 15 megavat, të cilët janë vendosur në regjimin e shërbimit publik. Vendimi u mor pas analizës së bërë nga drejtoria përgjegjëse në këtë institucion ku u analizua mënyra sesi llogaritet çmimi. Konkretisht bazuar në metodologji që ka në bazë bursën e Hungarisë, koeficient si dhe element të tjerë çmimi që rezultoi nga formula ishte 14.49 lekë. Ky çmim sipas Entit qëndron mbi nivelin maksimal ndaj çmimi i caktuar që do të aplikohet është ai i 10 lekëve/kËh. Më herët, prodhuesit me përparësi të energjisë argumentonin se vendosja e këtyre HEC-eve në detyrimin e shërbimit publik dhe fillimi i efekteve të çmimit me vonesë u shkaktonte atyre ulje të ndjeshme të fitimit të parashikuar.