Ndonëse, kjo stinë dimri ka patur temperatura thuajse vjeshte, duket se kjo situatë nuk do të vijojë njësoj për ditët në vijim. Fundjava që kemi përpara do të jetë e paqëndrueshme, ku pritet të shoqërohet me vranësira të herëpashershme si dhe me lagështirë. Edhe pse prej disa ditësh, ka pasur temperatura të qëndrueshme dhe ditë të shoqëruara me diell, kjo fundjavë do të ketë reshje shiu dhe dëbore, si dhe një ulje të lehtë të temperaturave. Sipas sinoptikanëve, e shtunë do të ketë reshje të pakta, ndërsa e diela do të ketë reshje më të dendura përgjatë ditës deri në mesnatë.