Pas kalimit të sezonit veror, depozitat bankare të përfshira në paranë e gjerë, ku nuk përfshihen ato të qeverisë, jo rezidentëve dhe institucioneve financiare, kanë pësuar ulje. Në shtator ato regjistruan vlerën e 1.28 trilionë lekëve, duke u ulur me 4.5 miliardë lekë nga gushti. Ndërkohë në krahasim me një vit më parë rritja është e lehtë me vetëm 1%, duke treguar një stanjacion. Depozitat nisën në nivele rekord në janar, ndërsa deri në korrik pësuan ulje të ndjeshme me 65 miliardë lekë, për tu fryrë sërish në gusht.