Shumica socialiste duket se ka marrë nga Komisioni Venecias ku ishte edhe kryerja e kuvendit Elisa Spiropali, një opinion mbështetës për qëndrimin e tyre në lidhje me papajtueshmërinë e mandatit të Olta Xhakës. Një prej pesë pyetje drejtuar Venecias në një kërkesë me firmën e Elisa Spiropalit, ishte a me mund të detyrohen deputetët që të votojnë në një mënyrë të caktuar? dhe nëse ka përjashtime të tilla, cilat janë ato dhe a kanë lidhje me rastin e mocioneve për pajtueshmërinë e mandatit të një deputeti? E pikërisht për këtë çështje burime konfidenciale të Komisionit të Venecias thanë për Top Channel se në vendimin që pritet të zbardhet në fillim të javës së ardhshme, konstatohet se Parlamenti dhe deputetët nuk mund të detyrohen të votojnë në një mënyrë të caktuar. Debatet me shkak mandatin e deputetes Olta Xhacka u thelluan në prill të këtij viti, pas verdiktit të Gjykatës Kushtetuese, Partia Socialiste tha se ky vendim nuk mund ta detyrojë deputetin si të votojë dhe me forcën e kartonit rrëzoi vendimin e gjykatës. Pikërisht për këtë zgjidhjen ia kërkuan komisionit të Venecias ku në sesionin plenar të 6 Dhjetorit mori pjesë kryetarja e kuvendit Elisa Spiropali bashkë me Klotilda Bushkën kryetare e komisionit parlamentar të ligjeve. Zyra e shtypit e kuvendit thotë se “Në fjalën e saj në këtë sesion, Kryetarja e Kuvendit, znj. Elisa Spiropali, shprehu mirënjohjen për të gjithë anëtarët e këtij forumi prestigjioz, personalitete të shquar të së drejtës, të njohur botërisht, për bashkëpunimin e shkëlqyer dhe konstruktiv me Kuvendin e Shqipërisë, në dhënien e opinioneve në mbrojtje të Kushtetutës, për fuqizimin e institucioneve dhe konsolidimin e vlerave demokratike”. Gjatë qëndrimit në komisionin e Venecias Kryetarja e Kuvendit, Elisa Spiropali, u takua me Prokurorin e Përgjithshëm të Britanisë së Madhe, Lord Hermer KC.